Спортски настан со многу публика е престојниот кошаркарски, поточно Баскет-турнир „КГЈ 3х3“, на отвореното игралиште пред ООУ „Кире Гаврилоски – Јане“во Прилеп. Најавен е со траење од три дена, од 16 до 18 август, од петок до недела. За да има многу публика, поставени се монтажни трибини и столчиња околу кошот и околу игралиштето. На публиката и се достапни во секој момент разни видови пијалоци.
На теренот се најавени мечеви на триесетина екипи од Прилеп и други градови, во повеќе возрасни категории. Секој ден првите натпревари започнуваат во 17 часот. Турнирот е со долга традиција од 14 години.
Привлечни се наградите за публиката, како и за најдобрите екипи: 20 илјади денари за прво место, 10 илјади за второ, 6 илјади за трето.
Организатори се познати имиња од кошарката: Стефан Стевананџија, Стефан Костоски и Марио Маџоски.
