На Третиот меѓународен фудбалски турнир „Прилеп куп 2024“ фудбалерчиња носеа интересни дресови со порака за коректно навивање. Целиот турнир помина според таа порака. За што станува збор, од Александар Ѓорѓиоски, претставник на „Идеал спорт“
„ Во овој проект се вклучени сите фудбалски школи и основното училиште ООУ Гоце Делчев од нашиот град, Прилеп. Целта на проектот е да ја подигнеме свеста за коректно и позитивно навивање и да ги поттикнеме сите на фер игра и поддршка. Идејата на проектот „Навивај коректно“ е да создадеме пријатна и поддржувачка атмосфера на фудбалските терени, со посебен фокус на родителите како навивачи. Благодарение на компанијата
Globe Logistics Inc., ,секоја фудбалска школа доби по 20 комплети, дресови и шорцеви, што значи вкупно 140 комплети со инспиративни позитивни пораки. На предната страна на дресовите ќе ги најдете овие пораки:
- Навивај коректно!
- Поддршка ДА – Насилство НЕ!
Со овие пораки, сакаме да поттикнеме позитивно навивање и да го зајакнеме спортскиот дух и дружбата меѓу играчите и навивачите. Најважно од сè, сакаме да бидеме позитивен пример за нашите деца и да покажеме дека спортот е забава, љубов и другарство.
Придружете ни се и навивајте коректно! “
Поддршка Да, Насилство Не! – Сите деца заслужуваат почит на теренот. Насилството нема место на трибините! – Да ги научиме децата на фер-плеј. Сите деца се наши јунаци! – Почит кон сите играчи на теренот. Заедно навиваме за фер-игра! Спортот обединува, не разделува! – Сите деца заслужуваат позитивна средина. Навиваме коректно за да ги научиме децата на фер-плеј! – Родителите се клучот. Безбедноста на теренот е во ваши раце! – Навивајте коректно! Поддршка без притисок! – Да ги охрабриме децата да уживаат во играта. Навивај коректно, учи ги децата на вистински вредности! – Родителите се примери за идните генерации. Навивај за да ги мотивираш, не за да ги повредиш! Навивањето е уметност, а коректноста е нејзина основа! – Да ги научиме децата на вистинските вредности. Навивајте со љубов, не со омраза! – Фудбалот е игра за сите.
