ПОБЕДА – ТИКВЕШ: МОЖНИ НОВИ ИГРАЧИ ПОПЛАДНЕВО!

Викендов е празен во поглед на фудбалските првенства, така што се одигруваат пријателски натпревари. Попладнево (16 часот) на Градскиот стадион „Гоце Делчев“ во Прилеп е мечот Победа – Тиквеш. Второлигашот од Прилеп има силен тест против прволигашот од Кавадарци.

Дуелот е можност за дотерување на формата, испробување на тактички варијанти на тренерите Јане Николоски и Гордан Здравков, во пресрет на првенствените мечеви, на 14 септември Победа – Арсими, на 15 септември Работнички – Тиквеш. Со оглед на тоа што летниот преоден рок завршува дури сега, попладнево можно е појавување на теренот на нови играчи во двата тима.

Во Победа нема кавадарчанец, а во Тиквеш настапува прилепчанецот Благоја Спиркоски.