Од 22 септември стартуваат лигите во рамките на Општинскиот фудбалски сојуз – Прилеп. Учествуваат 14 клуба, меѓу нив и Козара од Заполжани. Овој клуб е нов, ако се земе предвид дека не беше учесник во претходното првенство. Всушност, се враќа по три години пауза. Последен пат настапи во сезоната 2020/21 во Б2-лигата, со освоено 5. место. Последниот првенствен меч му е на 11 април 2021 година, Козара – Боротино 4:2.
Еве ги распоредите за стартните кола на 22 септември. Во А-лигата: Кадица (Забрчани) – Напредок (Крушеани), Стрела (Ерековци) – Корзо (Прилеп), Прилеп сити – Козара (Заполжани), Млекар (Мало Коњари) слободен. Во Б-групата: Црвена ѕвезда (Сенокос) – Боротино, Братство (Големо Коњари) – Гарван (Десово), Пролетер (Прилеп) – Кадино, Динамо (Мажучиште) слободен.
Од минатото првенство ги нема екипите Тризла (Прилеп) и Мукос (Дреновци), а Влазними јуниор (Пресил) и Обршани напредуваа кон Третата лига – Југ.
