Одлична партија на Мега баскет вечерва во салата на ООУ „Добре Јованоски“ во Прилеп за победа од 93:65 врз скопски МЗТ Уни банка, во рамките на 3. рунда од Втората кошаркарска лига на Македонија. По четвртини: 27:13, 20:14, 19:18, 27:20. Сите четвртини ги добија домашните кошаркари, очигледно подобри и како поединци и како колектив. Прецизни беа и од далечина, од позициите за три поени, така што им успеа да погодат дури 14 тројки, најмногу Стефан Стевананџија – 5. Тој погоди и од осум-девет метри далечина, за воодушевување на публиката. За споредба, гостите постигнаа вкупно 6 тројки.
МЕГА БАСКЕТ: Стевананџија 25, Кочовски, Јаневски 6, Нешиќ 6, Стевановски 2, Кузманоски 3, Велески 10, Петровски 6, Настески 11, Домлески 11, Стојановски 13, Ивановски. Тренер: Мико Голубовиќ.
МЗТ УНИ БАНКА: Талевски 7, Стојановски, Лазарев 9, Масевски 12, Ангелковски 2, Јорданов, Ѓуровски 2, Шаќировиќ, Сибиновски, Димевски 2, Зетов 13, Величковски 18. Тренер: Небојша Ѓуковиќ.
РЕЗУЛТАТИ 3. КОЛО: Мега баскет – МЗТ Уни 93:65, Охрид – ФМП Академија, Работнички – Црн Дрим, Борец – Соколи, Маџари – Ангели 81:83, Бутел – Водно.
ТАБЕЛА: Ангели 6, Маџари, Мега баскет, Борец, Соколи, МЗТ Уни банка и Црн Дрим 5, Работнички, Бутел и Охрид 4, Водно и Академија ФМП 3.
СЛЕДНО 4. КОЛО (2/3 ноември): Водно – Мега баскет, Работнички – Бутел, Црн Дрим – Ангели, Академија ФМП – Маџари, МЗТ Уни – Борец, Соколи – Охрид.
