Зарем е можно? Малку е што се најдоа во ист тим (прилепска Победа) неколкумина со исто презиме (како Мартин и Никола Талески), од стартот на овогодишната второлигашка сезона беа и двајца со исто име и презиме (Стефан М. Спиркоски и Стефан П. Спиркоски), а на денешното гостување во Каменица во записникот се запишаа уште двајца други со исто име и презиме (Давид А. Паскоски и Давид Н. Паскоски). За нивно разликување се пишуваат и првите букви од имињата на нивните родители.
Во врска со Стефан М. Спиркоски и Стефан П. Спиркоски веќе е познато дека првиот има 25 години, а вториот 18 години. Вторите двајца со исто презиме се на иста возраст – и Давид А. Паскоски има 16 години и Давид Н. Паскоски исто има 16 години, со таа разлика што првиот е роден 2007 година, а вториот во 2008 година.
Следен меч за Победа е в сабота во 13 часот, дома со Вардарски.
