Кулминација на Дванаесеттиот турнир во мал фудбал „Свети Никола“ во Прилеп. Во салата од СОУ „Ристе Ристески – Ричко“ преполно публика, а долу на паркетот завршните мечеви кои одлучуваа за вредните награди. Настан со претставници од организации кои силно го поддржаа турнирот – како Министерството за спорт, Општина Прилеп, компанијата „Комфи ангел“, КМФ „Победа“, а и овојпат со своето присуство настанот го удостои градоначалникот на Прилеп, д-р Борче Јовчески.
Кај сениорите, во дуелот за 3. место се сретнаа две прилепски екипи, Хајв кафе/Теа Андреа – Давид Коруноски 2:1. Стрелци: Давид Јошески и Јорданчо Наумоски од пенал – Ѓорѓија Мургоски. Минатогодишниот победник и сега се избори за висок пласман – третото место.
ХАЈВ КАФЕ/ТЕА АНДРЕА: Антонио Столевски, Мартин Никовиќ, Давид Јошески 1, Марјан Ристовски, Дарко Илиески, Марио Наумоски, Димитар Чоков, Јорданчо Наумоски 1, Дарко Анѓелески, Благоја Спиркоски.
ДАВИД КОРУНОСКИ: Андреј Паскоски, Васко Петкоски, Филип Илкоски, Бојан Мораво, Ѓорѓија Мургоски 1, Мартин Талески, Игор Шепаровски, Слободан Дуков, Унча Бојаџиески, Христијан Поп-Антоски.
Во големото финале триумф на скопската екипа Гостилница „Кај Џек“ против охридската АСП Пак. Резултатот е висок 5:1. Стрелци: Марио Богоевски, Димитар Јанев 2, Стефан Димовски, Андреј Јаневски – Никола Угриноски. Беше седма победа на Гостилница „Кај Џек“ на седумте меча. Ги совлада: Могила (3:1), Струшка (5:1), Слаткарница „Шар“ (2:1), Изофас (6:1), Андринико (5:2), Хајв кафе/Теа Андреа (2:0) и АСП Пак (5:1). Тимот Гостилница „Кај Џек“ вторпат е победник на прилепскиот турнир. Првпат пехарот го освои во 2022 година.
ГОСТИЛНИЦА „КАЈ ЏЕК“: Мирко Соколов, Андреј Јаневски 1, Михаило Митров, Стефан Димовски 1, Бојан Јанев, Никола Стојановски, Никола Димевски, Никола Анчевски, Марио Богоевски 1, Димитар Јанев 2.
АСП ПАК: Мишо Ѓорѓиовски, Дејан Милошевски, Шенол Меди, Нико Пластиновски, Никола Угриноски 1, Стефан Петрушевски, Никола Секулоски, Наум Таулоски, Кристијан Петкоски, Боге Бимбиловски.
Турнирот заврши со прекрасни впечатоци за 17-дневната програма. Интересни беа мечевите, одлично беше и судењето од страна на искусни судии од ОФС Прилеп. Финалето го судеа двајца меѓународни судии – Горан Спиркоски и Влатко Илиоски.
РЕЗУЛТАТИ СЕНИОРИ
ЗА 3. МЕСТО: Хајв кафе/Теа Андреа – Давид Коруноски 2:1
ЗА 1. МЕСТО: Гостилница „Кај Џек“ – АСП Пак 5:1
НАЈДОБАР ИГРАЧ: Марио Богоевски (Гостилница „Кај Џек“)
НАЈДОБАР ГОЛМАН: Антонио Столевски (Хајв кафе/Теа Андреа)
НАЈДОБАР СТРЕЛЕЦ (6 гола): Андреј Јаневски (Гостилница „Кај Џек“)
ОДЛИЧНА ОРГАНИЗАЦИЈА СО БОГАТИ НАГРАДИ
Се чини дека беше постигнат максимум во организацијата на еден ваков турнир. Не е едноставно да се организира во една училишна сала, да се привлечат толку гледачи во објект кој е на периферијата од градот. Прв показател за високата оценка е токму публиката, преполната трибина. Втор показател е поволниот впечаток кај сите учесници, а секако дека важни се и наградите. Имаше досега највисок паричен фонд, од 550 илјади денари – за 1. место 300 илјади, за 2. место 180 илјади, за 3. место 70 илјади. Но, имаше уште многу други награди – производи, ваучери за разни услуги, за туристички патувања, за Нова година во странство… Награди за најдобрите екипи, за најдобрите поединци, за сениори и за пионери… Секоја вечер имаше многу награди за публиката.
Желбата е следниот турнир да биде во Универзалната сала.
ВИДЕО
ДОСТАВУВАЊЕ НА ДОМАШНА АДРЕСА
СЕ ОД ПРАВОСЛАВИЕТО
ПОРАЧКИ НА ИКОНИ, ИКОНОСТАСИ СО ЛАМБИЧЕ, БЛАГОСЛОВИ, МОЛИТВИ, КАЛЕНДАРИ…
СЕ ЗА ИМЕНДЕНИ И СЛАВИ…
НА 076 502 403
