Вчера на првиот тренинг на фудбалскиот второлигаш Победа се појави големиот навивач Кире Иваноски – Балче. Од торбата изваде транспарент со името на ФК Победа, за кој рече дека го носел дури до Манастирскиот комплекс „Свети Наум Охридски Чудотворец“ на Попова Шапка.
Токму вчера беше големиот празник Свети Наум, ден кога Победа започна со подготовките. Кире Балче транспарентот го остави да преноќи во клупските простории, верувајќи дека Божјата сила ќе помогне оваа сезона да биде среќна и успешна за Победа.
