Недела, 30 март е ден за старт на пролетниот дел од општинските лиги на ОФС Прилеп. Од 10 часот претпладне ќе се одиграат мечеви во двете групи, А и Б.
Во А-групата се среќаваат: Напредок Крушеани – Кадица Забрчани, Корзо Прилеп – Стрела Ерековци, Козара Заполжани – Прилеп сити. Слободна е екипата Млекар Мало Коњари. На табелата прва е Кадица со 18 бода, следуваат Млекар со 15, Стрела со 10, Козара со 7, Корзо со 4, Напредок со 2 и Прилеп сити со 1.
Еве ги двојките и од Б-групата: Боротино – Црвена ѕвезда Сенокос, Гарван Десово – Братство Големо Коњари, Кадино – Пролетер Прилеп. Слободна е екипата Динамо Мажучиште. На табелата води Кадино со 16 бода, пред Гарван и Црвена ѕвезда по 13, Динамо 9, Братство 7, Пролетер 3 и Боротино 0.
Првобитен датум за старт беше 23 март, но мораше да има одложување за една недела поради трагедијата во Кочани и деновите на жалост.
