Челното на табелата, Големо Коњари, паузираше и тоа не се одрази штетно по неговата позиција, бидејќи остана на врвот и по денешното 18. коло од Третата лига – Југ. Така е со оглед на тоа што конкурентите од Велес заостануваа 6 бода, а одиграа меѓу себе дерби, Превалец – Башкими 4:2. Од другите издвојуваме два меча. Во Росоман домашниот тим со 1:3 загуби од крушевско Питу Гули. Притоа домашниот Росоман доби два црвени картона во судиското надополнување. Прво во 93. минута исклучен е Мартин Темелковски, па во 94. минута Стефан Костовски. Исто така, изненадување е победата на последниот Влазними јуниор од Пресил во Бучин. По новите 3 бода веќе не е последен тим.
РЕЗУЛТАТИ 18. КОЛО: Превалец – Башкими 4:2 (Љупче Стефановски 2, Бобан Дукадиновски, Антонио Чоков – Албим Јашари, Суарим Зеќиров), Бучин – Влазними јуниор 1:3 (Андреј Николовски – Емрула Велиоски 2, Денис Шабаноски), Младост – Дреново 5:0 (Александар Чешелковски, Димитар Китаноски 3, Оливер Конески), Росоман – Питу Гули 1:3 (Кристијан Јованов – Оливер Велевски 2, Ѓорѓи Стрезовски), Венец – Слога 1:1 (Петар Ристовски – Андријан Волчески). Слободни беа Ултрас и Големо Коњари.
ТАБЕЛА: Големо Коњари 38, Превалец 35, Башкими 32, Младост 29, Венец 28, Росоман 26, Ултрас 23, Питу Гули 20, Бучин 18, Слога 13, Влазними јуниор 10, Дреново 8.
СЛЕДНО 19. КОЛО (9 април во 16 часот): Венец – Превалец, Големо Коњари – Росоман, Питу Гули – Младост, Дреново – Бучин, Влазними јуниор – Ултрас.
