Претстои соседското фудбалско прволигашко дерби Победа – Тиквеш. Очекувањето е за исполнети трибини на Градскиот стадион „Гоце Делчев“ затоа што покрај прилепски, најавени се и гледачи од Кавадарци. Интересно е што во составот на Тиквеш се двајца прилепчани, Стефан Наумчески и Даниел Карчески.
– Чувството е специфично затоа што првпат ми се случува да играм против Победа. До вчера сум ги бранел боите на тој клуб, сум одиграл 270 официјални натпревари, сум бил капитен и не е сеедно. Но, таков е фудбалот. Сигурно ќе дадам се од себе на овој меч. Како Победа што оди на три бода, така и ние. Знаеме што не чека во Прилеп. амбиент од илјадници гледачи. Тоа е мотивација за добра игра – вели Карчески.
Во Победа е еден кавадарчанец – Методија Делов.
