Многу одамна, можеби десетина години се нема одиграно натпревар од женскиот фудбал на Градскиот стадион „Гоце Делчев“ во Прилеп. Тоа ќе се случи утре (среда) во 17 часот, за кога е закажан пријателскиот меч помеѓу прволигашите, прилепска Деспина и Каменица Саса. Гледачите ќе можат да ја видат засилената Деспина, со новиот стратег Стевчо Талески, доскорешен тренер во Школата на Победа, како и четирите фудбалерки – три од странство, голманката Иман Шљиво од Босна и Херцеговина, за врска Николина Батиниќ и напад Жељана Максимовиќ од Србија, покрај Јована Павловска од битолски Атлетико.
Амбиција на Деспина е да биде подобра од претходното првенство кога беше осма, додека Каменица Саса е кандидат за титулата со оглед на тоа што беше на третото место од табелата на Првата лига.
