Денеска во 11,30 часот, со мечот Севиља – Манчестер сити стартува фудбалската Младинска лига на УЕФА. Во ова натпреварување е и македонскиот младински шампион Победа, која својот прв настап го има по осум дена, на 14 септември. Тогаш гостува во далечната Северна Ирска, на екипата Колерајн. Според објавата на УЕФА, натпреварот е закажан за 20,30 часот, што значи дека ќе се игра ноќе, под рефлектори. Стадионот имал капацитет од 4000 седишта. Во прилепскиот клуб се ангажирани околу подготовките за патувањето.
Реваншот е на 5 октомври во Скопје.
