Екипата Деспина ги стартуваше подготовките за претстојната фаза од првенството во фудбалската Прва женска лига на Македонија. На теренот со вештачка трева во Прилеп шефот на Стручниот штаб Стевче Талески со асистентот Диме Аџулески на кондициски план работат со фудбалерките кои настапуваа есеноска.
– Имаме мошне млада екипа со која целта ни е четвртото место, до кое стигнавме есеноска. Нови играчи не планираме, засега доволно е што ги задржуваме досегашните. Фудбалерките од странство, Босанката Иман Шљиво, Србинките Жељана Максимовиќ и Николина Батиниќ, кон тренинзите ќе се приклучат на 1 февруари – рече Талески.
До почетокот на пролетниот дел од првенството ќе има неколку пријателски меча.
