Тимот на Мега баскет со убедливи 99:84 го совлада ИБА баскет од Скопје, во 15. рунда на кошаркарската Трета лига Б-група. Во салата од ООУ “Добре Јованоски” прилепскиот тим уште еднаш покажа дека е надмоќен во оваа лига и со право целта е пласман во второлигашкиот ранг. Беше 12. победа на во ова првенство, но службено се сметаат 11 победи, со оглед на тоа што се избришани сите резултати на скопскиот Албес, по исклучвањето за непрописно однесување на два меча. Така, до крајот има уште три меча и Мега баскет може да стигне до максималните 14 победи, во пресрет на плеј-офот.
РЕЗУЛТАТИ ОД 15. КОЛО: Мега баскет – ИБА баскет 99:84, Спарта – Тетекс 63:70, Дибра иглс – Хераклеа 78:73. ИДНО КОЛО: Тетекс – Мега баскет, Љуботен – Дибра иглс, Хераклеја – Спарта.
ТАБЕЛА: Мега баскет 22, Тетекс 21, Гостивар 2 и ИБА баскет 18, Хераклеја 17, Дибра иглс 16, Спарта 15, Љуботен 10.
