Првенството во Првата фудбалска лига претходнава недела заврши, но тоа не значи крај на фудбалските возбудувања. Фудбалските љубители имаат можност да уживаат во 4 „нокаут“ натпревари на Градскиот стадион „Гоце Делчев“ во Прилеп. Станува збор за традицијата на ОФС Прилеп за убава завршница на првенствата од општинските лиги. Според тоа, прво претстои плеј-офот од А-лигата. Во првото полуфинале, в сабота (15 ч.) е мечот на второ и третоласираната екипа, Мукос (Дреновци) – Стрела (Ерековци). В недела (16 ч.) е дуелот меѓу прво и четвртопласираната, Кадица (Забрчани) – Влазними (Пресил). Финалето е в среда од 16 часот, каде победникот станува член на Третата лига – Југ.
Првакот од Б-лигата Напредок (Крушеани) е ранг погоре, а второто Боротино в недела (10 ч.) игра бараж со претпоследната од А-лигата,Тризла.
