Во врска со претходново прволигашко првенство, за Победа најјасно од се сами по себе зборуваат фактите. Имајќи ги предвид сите службени записници од 30 првенствени меча, дојдовме до бројка од дури 48 фудбалери. За споредба, во некои дамнешни времиња шанса за настап добивале 15-16 до 20 фудбалери, а навивачите пред секој меч знаеле да ги претпостават, ако не сите, барем десетмина од првата постава. Во оваа сезона, од август 2022 до мај 2023 само неколкумина издржаа безмалку редовни во составот, како голманот Дарко Тофилоски, одбранбените Филип Стомнароски, Србинот Огњен Ѓурковиќ и Агон Хани, за врска Нигериецот Амос Дадет… Секое време си има свои белези, но не мора да е така оти за споредба, за шампионот Струга цела сезона настапија речиси двојно помалку фудбалери – 25.
ФУДБАЛЕРИ ВО СЕЗОНА 2022/23: Тофилоски, Котевски, Мариновски, Шемкоски, Стомнароски, Рамани, Б. Спиркоски, Мазари, М. Наумоски, Илијоски-Кисески, Тодороски, Бошески, Петејчук, Паноски, Хани, Коцев, Поп-Антоски, Аризанкоски, Фавахри, Ф. Спиркоски, Миланоски, Кочоски, С. Спиркоски, Петковиќ, Симуновиќ, Делов, Џејмс, Ѓурковиќ, Дадет, Галевски, Тодоров, Амо, Тошески, Кудијан, Јованов, Трајкоски, Стоименовски, Ферати, Адили, Чајани, Ј. Наумоски, Дујовски, Алиу, Д. Дебрешлиоски, Ѓорчески, Д. Варошаноски, Кофиловски, Делибашиќ.
Каков играчки кадар ќе има Победа во второлигашкиот ранг ќе почекаме барем до првиот нареден собир, некаде кон крајот на јуни.
