ДЕЦА НА ГРАДСКИОТ СТАДИОН!

На Градскиот стадион „Гоце Делчев“ во Прилеп ретко, мошне ретко се случува да настапат пионерски фудбалски екипи. Тие обично играат на игралиштето со вештачка трева. Меѓутоа, утре (среда) двата меча Победа – Македонија ЃП од лигите за помлади и постари пионери ќе бидат токму на стадионот. Така е поради термините во 13 и 15 часот со кои се навлегува во терминот за мечот од Првата женска лига, Деспина – Шкендија, закажан за 16 часот. Значи, женскиот дуел останува од 16 часот на вештачката трева, а пионерските мечеви се од 13 и 15 часот на Градскиот стадион.

Дуелите на кадетските и младинските екипи Македонија ЃП – Победа се в четврток, во Скопје.