Веројатно поради високите летни температури, а со цел да им се даде малку повеќе од ден одмор на фудбалерите, второлигашот Победа денеска мошне рано, меѓу 8 и 10 часот го имаше првиот тренинг-меч меѓу два тима. На Градскиот стадион „Гоце Делчев“ Стручниот штаб, предводен од Филип Мирчески им даде можност на сите првотимци да одиграат на два гола. Паднаа четири гола, а подобар беше тимот со поискусните играчи.
Првиот пријателски натпреар е на 22 јули (сабота) со Новаци во Прилеп, а потоа – на 26 јули (среда) со Караорман во Струга, на 29 јули (сабота) дома со Вардар Неготино и на 5 август (сабота) дома со Пелистер.
