Во Охрид заврши Државното екипно шаховско првенство на Македонија. Прв е Алкалоид, пред Гамбит, двата скопски ривала кои водеа битка за врвот. На третото место се искачи Прилеп, тим со исти бодови како и Куманово. Подолу на табелата се Гостивар, Шкупи, прилепски Пелагон и Анпасан од Шипковица. За Алкалоид настапија: ВМ Нодирбек Јакубоев, ВМ Александар Инѓич, ВМ Трајко Недев, ИМ Филип Панчевски, ВМ Звонко Станојоски, ИМ Тони Лазов, ВМ Велимир Ивиќ, ВМ Роландо Кутиров, Филип Михов, Михаил Јорданов и ВМ Драгољуб Јашимовиќ.
Во врска со настапите на прилепските претставници – Прилеп забележа три порази (2:4 од Алкалоид, 2,5:3,5 од Гостивар, 2:4 од Гамбит), едно реми (3:3 со Куманово), три победи (4:2 со Шкупи, 5:1 со Анпасан, 5:1 со Пелагон), додека Пелагон е со пет порази (2:4 од Гостивар, 1,5:4,5 од Гамбит, 2,5:3,5 од Куманово, 1:5 од Прилеп, 2:4 од Алкалоид), едно реми (3:3 со Шкупи) и една победа (4:2 со Анпасан). Екипата Прилеп настапи со: Бобан Богосављевиќ (Србија), ВМ Мирослав Миљковиќ (Србија), ИМ Дејан Стојановски, ИМ Тони Кироски, Кире Николоски, Васко Дамески, ВМ Тони Најдоски и Благоја Дамески. За тимот Пелагон одиграа: ВМ Далибор Стојановиќ (Б и Х), ВМ Никола Седлак (Србија), Горан Готовуша, Дејан Ѓорѓиески, Марјан Дамчески и Мартин Николовски,
Првопласираниот на конечната табела (Алкалоид) е шампион на Македонија, а последните две екипи (Пелагон и Анпасан)играат бараж-мечеви за опстанок со Струга, односно 7 Ноември од Гевгелија.
