Бранителите на Победа – Стефан Спиркоски и Христијан Кукески немаат право на настап по еден натпревар, а голманот Антонио Столевски на четири натпревари, според објавата од ФФМ, во врска со црвените картони кои им беа доделени на дуелот дома со кочанското Осогово (1:0). Меѓу прилепчаните ова никој не го очекуваше, од многу причини. Пред се поради тоа што никој не памети Победа дома да добила три црвени картони и тоа против аутсајдер, при свое водство од 1:0. Потсетуваме – се се случи по 77. минута, кога натпреварот отиде во сосема неочекуван правец, по исклучувањето на стоперот Стефан Спиркоски – стартер во тимот и црвениот картон за голманот Антонио Столевски – беше на клупата за резерви. Тоа не беше се. Во 90. минута и десниот страничен Христијан Кукески (и тој од стартната постава) доби црвен картон.
Без овие тројца Победа в сабота игра дерби со Беласица во Струмица.
