Низ центарот на Прилеп на повеќе места има плакати со известување дека Фудбалскиот клуб Прилеп сити има потреба од нови фудбалери. Појаснување ни даде првиот клупски човек Коста Мирчески.
– Точно, имаме потреба од нови фудбалери, затоа што сегашниот број на членови не е доволен. Клупските врати се ширум отворени за сите што дел од слободното време сакаат да го посветат на играње фудбал, имаат над 16 години и се слободни фудбалери, без клуб. Пристапувањето е едноставно и брзо, а клубот има обезбедено опрема – ни рече Мирчески.
Клубот Прилеп сити е вклучен во системот натпревари од ОФС Прилеп, во Б-групата од Општинската лига.
