Вечерва истовремено (во 19 часот ) два натпревара во Прилеп. Во салата на СОУ „Ристе Ристески – Ричко“ има ракомет. По паузата поради репрезентативните настапи, продолжува женската Супер лига на Македонија, со 5. рунда. Екипата Деспина е домаќин на шампионот Ѓорче Петров од Скопје. Публиката може да види квалитетен гостински тим, со сите четири победи есенва. Голот на Ѓорче Петров го чува прилепчанката Матеа Чурлиновска. Меѓутоа и пред домашниот состав на Деспина е предизвик – да покаже повеќе отколку во претходните четири кола.
Табела: Куманово и Ѓорче Петров 12, Вардар и Чаир 10, Овче Поле 7, Металург и Астибо 6, Скопје, Стружанка и Пелистер 4, Спартак и Шампион 3, Деспина и Гевгелија 0.
Истовремено, од 19 часот има кошарка во салата од ОУ „Добре Јованоски“. Таму е дуелот Мега баскет – Маџари, во 3. рунда од Втората кошаркарска лига на Македонија. Прилепскиот тим загуби (80:73) од Соколи, на првото гостување во Штип, па има можност за рехабилитација со скопскиот кој има ист биланс есенва – победа и пораз. Пред пет месеци овие ривали се сретнаа трипати во полуфиналето на третолигашкиот плеј-оф, кога поуспешен беше Мега баскет.
Табела: МКК Куманово и Водно 4, Мега баскет, Ангели, Маџари, Шкупи, Соколи, Работнички, Борец, МЗТ уни 3, Тетекс, Куманово 2009 по 2.
