Да спомнеше некој дека е можна сензација, дека е можно во Прилеп да победи последниот на второлигашката табела, сигурно ќе го сметаа за нереален или дека се шегува. Но, токму тоа се оствари. Победа, тим кој освои вреден бод со Кожуф во Гевгелија, Победа која со евентуален успех со Караорман имаше можност за силен прогрес на табелата, денеска си дозволи пораз од 1:2 од тимот кој во деветте кола освои само 4 бода.
Уште во првото полувреме се виде дека прилепскиот тим ќе има тешкотии. Во 7. минута гостите дојдоа до водство преку Мурат Адили. До крајот на полувремето имаше јалови обиди за израмнување. Сепак, радост за домашната публика во 56. минута, кога стоперот Филип Стомнароски пак покажа голгетерски способности, погодувајќи ја мрежата оддалеку, за 1:1. И кога се очекуваше пресврт, во 58. минута 1:2 – водство на Караорман, со голот на Фикри Дани. До крајот греда за Победа, шанса и за Караорман во последните моменти, а резултатот остана 1:2.
ПОБЕДА: Николоски, Стомнароски, Алимоски (46. И. Трајкоски), Д. Дебрешлиоски (83. Табаковиќ), Ф. Димоски, Грозданоски (83. Ивчески), Поп-Антоски, Ј. Наумоски, Кочоски (46. Горгиовски), Кофиловски, Кукески (83. Д. Спиркоски). Тренер: Јане Николоски.
КАРАОРМАН: Рочи, Дани, Каба, Ќелешоски, Зиба, Хајредини (55. Клечкароски), Силјаноски (83. Тодороски), Узеири, Глигороски, Баута, Адили (75. Салиу). Тренер: Благоја Бајчески.
ВТОРА ЛИГА 10. КОЛО: Победа – Караорман 1:2, Охрид – Пелистер 1;3, Беса – Арсими 2:0, Тетекс – Скопје 2:0, Башкими – Вардар Н. 1:1, Осогово – Кожуф 3:2, Беласица – Детонит 0:0, Новаци – Саса 1:0.
ТАБЕЛА
СЛЕДНО 11. КОЛО (4 ноември во 13 ч.): Вардар Н. – Победа, Саса – Охрид, Детонит – Новаци, Кожуф – Беласица, Караорман – Осогово, Скопје – Башкими, Арсими – Тетекс, Пелистер – Беса.
ВИДЕО-ИЗВЕШТАЈ НА ЛИНКОТ:
