Од понеделникот, по пелагониското дерби со Еурофарм Пелистер, почна одморот за тренерите и ракометарите на машкиот суперлигаш Прилеп. Во Б-групата од Супер-лигата, по 14 есенски кола, Прилеп е на 6. место со 10 бода, така што претстои плеј-аутот. Како ќе изгледа тимот во следната фаза, од клупскиот претседател Александар Мариновски:
– Останува моменталниот ростер на играчи, како и Стручниот штаб, каде нема промени. Меѓутоа, во следните месец дена ќе се работи на засилувања, кои ќе бидат клучни за опстанокот во лигата. Многу скоро ќе дознае јавноста кои нови ракометари ќе ни пристапат – најави Мариновски.
Првиот нареден собир на РК Прилеп е на 15 јануари.
