Мега баскет со 97:83 го совлада тимот Соколи, во 13. рунда од Втората кошаркарска лига на Македонија. Двоен успех на домашниот, прилепски состав. Не само што освои два бода, туку и победи со повеќе од 7 поени разлика, колку што изнесуваше поразот есеноска во Штип, од истиот ривал. Вечерва, во салата на ООУ „Добре Јованоски“, прилепчаните возвратија со камата, победија со 14 поени разлика, двојно повеќе. Доколку на крајот од првенството двата тима имаат ист број бодови, Мега баскет со подобриот меѓусебен биланс ќе биде погоре на табелата.
Домашниот триумф е заслужен. По четвртини еве ги резултатите: 24:17, 27:31, 15:13, 31:22. Штипјаните само во втората четвртина беа подобри, во третата даваа отпор, но во првата и во последната беа убедливо надиграни, и оттука високиот резултат на крајот.
МЕГА БАСКЕТ: Стевананџија 19, Костоски, Стевановски 7, Јовановски 14, Тодороски 17, Јаневски 12, Велески 19, Стојчески, Настески, Домлевски, Захариевски 9, Чакревски. Тренер: Мико Голубовиќ.
СОКОЛИ: Митев 2, Гичев, Дуев 3, Мирков 10, Јовев, Коцев 14, Шајкаров 18, Мицев 2, Костадинов 34, Трајков. Тренер: Тоше Димиќ.
РЕЗУЛТАТИ 13. КОЛО: Мега баскет – Соколи 97:83, МКК Куманово – Борец 76:61, Работнички – Куманово 2009 80:58, МЗТ Уни – Маџари 70:92, Ангели – Тетекс 83:63, Водно – Шкупи 80:96.
ТАБЕЛА: МКК Куманово 26, Маџари 24, Шкупи 23, МЗТ Уни 22, Ангели 21, Борец 19, Мега баскет, Соколи и Работнички 18, Водно 17, Тетекс 15, Куманово 2009 – 12.
СЛЕДНО 14. КОЛО: Маџари – Мега баскет, Тетекс – Водно, Работнички – МКК Куманово, Шкупи – МЗТ Уни, Соколи – Куманово 2009, Борец – Ангели.
ВИДЕО на линкот
