Третото издание на рапид-турнирот „Езерски бисер“ во Охрид, помина во доминација на прилепските шахисти. Меѓу 81 учесник победник е Дејан Ѓорѓиески (Пелагон) со 8 поени, пред Марјан Дамчески (Пелагон) и Кире Николоски (Прилеп) со по 7,5. Подолу се претставници на клубови од Охрид (Ласкер), Скопје (Алкалоид, Гамбит и Гази Баба), Струга (Струга), Битола (Штајниц и Шах-шех), Гостивар (Гостивар), Куманово (Теута), како и други шахисти од Прилеп, членови на клубовите Прилеп, Пелагон и Прилапон.
За прилепчаните е важна и организацијата на следниот меѓународен рапид-турнир „МАТ 2024“, на 18 февруари, во СОУ „Орде Чопела“.
