Извршена е ждрепка, по која се познати групите и распоредот на натпреварите од деветтото издание на Меѓународниот меморијален турнир „Миле Нешковски“ во Прилеп од 29 август до 1 септември. Според ждрепката, во А-групата се екипите Прилеп, Тиквеш (Кавадарци) и Еурофарм Пелистер 2 (Битола), додека во Б-групата се Охрид, Врање (Србија) и Куманово. Интересни дуели, особено на прилепскиот и битолскиот тим, ривали до последното коло во плеј-аутот на претходната сезона од Супер-лигата на Македонија.
Четиридневната програма почнува на 29 август од 16 часот со положување цвеќе пред Универзаната сала, на споменикот од легендарниот ракометар Миле Нешковски, а потоа се настаните во СОУ „Ристе Ристески – Ричко“, од 18 часот мечот Охрид – Куманово, од 20 часот Прилеп – Еурофарм Пелистер 2. На 30 август се два меча, од 18 часот Врање – Куманово, од 20 часот Тиквеш – Прилеп. Третиот ден, 31 август се последните дуели по групи, од 18 часот Охрид – Врање, од 20 часот Тиквеш – Еурофарм Пелистер 2. Последниот ден, 1 септември, од 11 часот е мечот за петто место, од 13 часот за трето, од 15 часот финалето па свеченото затворање.
Минатата година победник беше Дубочица од Лесковац (Србија).
