Од 8 до 11 август на Стадионот „Могила“ во Прилеп е третото издание на Меѓународниот фудбалски турнир „Прилеп куп 2024“ за млади категории фудбалерчиња, во шест возрасни категории, родени 2011, 2012, 2013, 2014, 2015 и 2016 година. Покрај домашни школи и клубови од Прилеп, како и од цела Македонија – Пелистер (Битола), Караорман (Струга), Охрид, Брера (Струмица), Форца Џипунов (Скопје),Напредок ( Кичево), Саса (Каменица) и многу други, меѓународниот карактер го дава учеството на клубови од Србија, од Лесковац ( Јединство Бошњаче на тренерот Игор Митиќ, поранешен фудбалер на Победа), како и на клуб од Ниш.
Организаторите, Општина Прилеп и ФШ Тони подготвија пехари, медали, пакети со производи за најуспешните – за секоја категорија по три екипи и за најдобар играч и голман.
