Необично, а многу атрактивно. Во декември 1991 и јануари 1992 година, на иницијатива од ФСМ се формира Лига во мал фудбал со осум клуба: југословенските прволигаши Вардар (Скопје) и Пелистер (Битола), второлигашот Балкан (Скопје), третолигашите Брегалница (Штип), Борец (Велес), Силекс (Кратово), Македонија (Скопје) и Победа (Прилеп). Се планираа седум кола, но поради откажувањето и суспензијата на Брегалница не се одиграа сите натпревари на турнирите во Скопје, Штип, Куманово, Битола, Велес и двата во Прилеп. Екипата на Победа одигра одлично, постигнувајќи четири победи (Силекс 6-2, Брегалница 11-2, Македонија 5-3, Борец 3-1), две нерешени (Балкан 0-0, Пелистер 2-2), а доживеа само еден пораз (Вардар 3-4). Најинтересен беше токму дерби – натпреварот со Вардар во преполната Универзална сала. За Победа настапија: Благоја Смоквоски, Марјан Стојкоски, Милан Тодороски, Горан Тодоровски, Гордан Наумоски, Тони Наумоски, Тони Шалев, Божо Милошески, Благоја Филипоски и Николче Јошески.
Табела: Вардар 11, Победа 8, Пелистер 6, Борец и Македонија 5, Балкан 4, Силекс 3.
