Новиот тренер на Деспина, Адријано Котевски, го има безмалку истиот играчки кадар од претходната сезона. Информацијата од клубот е само за една измена, на позицијата лево крило. Имено, замината е само Елена Рипилоска, а на нејзино место е Адела Еленин, повратничка од Куманово. Подготовките низ тренинзи и пријателски натпревари се до 7/8 септември кога почнува Супер-женската лига В-група, а Деспина тогаш игра дома со скопски Вардар.
Подготовки има и машкиот клуб Прилеп, кој на 7/8 септември во Супер-машката лига е домаќин на скопски Пролет.
