Претстојнава ракометна сезона стартува в сабота, 7 септември. Тогаш се првите есенски натпревари и во машка и во женска конкуренција.
Според распоредот, двете сениорски екипи од Прилеп се домаќини. Така, во ист ден, в сабота, во салата на СОУ „Ристе Ристески – Ричко“ се играат два меча, така што публиката четири часа може да се изнагледа ракомет. Прво од 16 часот е женскиот дуел Деспина – Вардар, од 1. рунда на Супер-женската лига В-група. Веднаш потоа, од 18, 30 часот, е машкиот дуел Прилеп – Пролет, во 1. коло на Супер-машката лига.
Во Супер-женската лига се 15 тима распоредени во три групи, а во Супер-машката се 12 тима.
