Се навршуваат 60 години од раѓањето на Дражен Петровиќ, кошаркарскиот гениј, кој мошне рано, прерано, на 28 години несреќно го загуби животот, а во негов вечен спомен е споменикот од прилепски мермер во Лозана, Швајцарија, пред Меѓународниот олимписки комитет. По повод роденденот, вечерва (20 часот) во Загреб се игра егзибициски меч Хрватска – Европа. Денеска е ден на спомени за „кошаркарскиот Моцарт“, а меѓу прилепчаните има таков што го гледал непосредно Дражен Петровиќ во дресот на загрепска Цибона, во далечната 1986 година, на гостувањето во Скопје, кај МЗТ. Наш соговорник е Сашо Костоски, некогашниот кошаркар на МЗТ.
АУДИО:
