Милина беше да се гледа Меѓународниот меморијален пингпонгарски турнир „Илија Карески – Каре“, во чест и спомен на големиот пингпонгар, тренер и спортски работник. Неговото четврто издание се случи во салата од ОУ „Добре Јованоски”. Беше одличен пинг-понг во групите за кадети, младинци, сениори и ветерани, во женска и во машка конкуренција.
Околу 40 медали, но и пехари и парични награди, беа распоредени во повеќе држави. Кај сениорите прв е Филип Младеновски (Шампиони ФА, Штип), а веднаш до него Антонио Стомнароски (Младост 96, Прилеп), додека за третото место се избори Лука Стојчев (Астраион, Струмица). Кај сениорките е овој редослед: Ирини Христомиду (Грција), Несториа Христомиду (Грција), Софија Хасану (Младост 96, Прилеп), Георгиа Спаноу (Грција).
ПЛАСМАНИ ВО МЛАДИТЕ КАТЕГОРИИ
Кадети до 13 години: Имран Дураку (Албанија), Кристијан Митев (Пелагонија, Битола), Андреј Бејковски (Пелагонија, Битола), Матеј Стојанов (Борец тим, Велес).
Кадетки до 13 години: Ана Коконеши (Албанија), Љубица Смилеска (Младост, Прилеп), Натали Бејковска (Пелагонија, Битола), Калина Митева (Пелагонија, Битола).
Кадети до 15 години: Мухамед Мудут (Албанија), Кристијан Митев (Пелистер, Битола), Трајче Маркоски (Младост 96, Прилеп), Давид Јоноски (Младост 96, Прилеп).
Кадетки до 15 години: Натали Бејковска (Пелистер, Битола), Калина Митева (Пелистер, Битола). Љубица Смилеска (Младост, Прилеп), Леа Глигорова (Младост 96, Прилеп).
Младинци до 19 години: Кејди Калаја (Косово), Лука Стојчев (Астраион, Струмица), Борис Секулов (Астраион, Струмица), Андреј Стојановски (Ѓорче Петров, Скопје).
Младинки до 19 години: Ирини Христомиду (Грција), Фани Јованоска (Младост, Прилеп), Несториа Христомиду (Грција), Георгиа Спаноу (Грција).
Организаторот, клубот Младост 96, додели признанија – плакети на заслужни поединци со придонес кон пингпонгарскиот спорт: прилепскиот градоначалник д-р Борче Јовчески, некогашните играчи Милан Петрески и Гоце Тошески, сегашен тренер на ППК Младост 96.
ВИДЕО
