Одличен фудбал во Прилеп и покрај дождот и лизгавиот терен. Второпласираниот тим на табелата, кумановски Башкими наиде на силен отпор од домашната Победа, така што конечниот резултат од 0:0 е сосема заслужен. Тоа беше борбена игра од двете страни, при што слаб поединец на теренот немаше. Шанси имаа гостите, но голманот Иван Николоски остана несовладан. Домашните возвратија со добри шанси, но и на спротивната страна голманот Амир Јашар се истакна.
Во 59. минута одекнаа силни и долги аплаузи за 59-те жртви од трагедијата во Кочани. Но и на крајот публиката задоволна од прикажаното не ги штедеше дланките за да ги награди актерите за 90-минутната фудбалска претстава. Особено пофалбите одат кон домашниот тим кој не дозволи да биде совладан од ривал со 26 бода повеќе на табелата.
ПОБЕДА: И. Николоски, Ивчески, А. Петрески (74. М. Талески), Д. Шаркоски, Петроски, Арифи (46. Исмаил), Ф. Димоски (90. Г. Димоски), Љумовиќ (62. Казимоски), Кофиловски, Каба, Богевски. Тренер: Стојанче Дунимаглоски.
БАШКИМИ: Јашар, Р. Мурати, Мислими, Асани (81. Азири), Реџепи, А. Демири, Саити, Митревски, А. Мурати, Х. Демири (58. Мемеди), Алексовски (58. Алиу). Тренер: Флурим Имери.
РЕЗУЛТАТИ 22. КОЛО: Победа – Башкими 0:0, Вардар Н. – Детонит 0;0, Кожуф – Брегалница 0:2, Скопје – Борец 2:1, Осогово – Македонија ЃП 0:0, Вардарски – Арсими 1:2, Саса – Беласица 1:2, Новаци – Охрид 2:1.
ТАБЕЛА: Македонија ЃП и Башкими 49, Брегалница 47, Арсими 45, Скопје 34, Детонит, Саса и Охрид 32, Кожуф и Беласица 31, Победа и Новаци 23, Вардар Н. 21, Осогово 17, Борец 10, Вардарски 8.
СЛЕДНО 23. КОЛО (сабота, 5 април, 15 часот): Победа – Вардар Н., Башкими – Новаци, Охрид – Саса, Беласица – Вардарски, Арсими – Осогово, Македонија ЃП – Скопје, Борец – Кожуф, Брегалница – Детонит.
