Денеска од 15 часот е 23. коло на Втората фудбалска лига на Македонија, во чија рамка и мечот Победа – Вардар Неготино, на Градскиот стадион „Гоце Делчев“ во Прилеп. Се очекува многу публика, со оглед на тоа што прилепскиот тим е во подем, со можност за искачување на табелата преку евентуален триумф.
Од Фудбалскиот клуб Победа се обраќаат до фудбалските симпатизери:
„Како што е познато во јавноста, ФК Победа во моментов се наоѓа во период на реорганизација. Новото раководство донесе едногласна одлука со која клубот се смета за општествено одговорна организација, и сите љубители на фудбалот кои се дел од ранливите категории (социјални случаи, граѓани со физички хендикеп, инклузивност…) можат да ги подигнат своите сезонски билети во просториите на клубот. Влезот за деца до 14 години е бесплатен.“
Во вториот дел е следната клупска информација:
„Новото раководство ФК ПОБЕДА АД ПРИЛЕП изразува почит и се заблагодарува до сите навивачи што беа дел од минатиот натпревар и учествуваа во добротворната акцијата за помош на семејствата на настраданите жртви во Кочани. Ве известуваме дека парите се донирани.“
Клубот објави и оглас за прием на нови тренери во Младинската школа (Академијата), а кандидатите треба да се на возраст до 35 години, да зборуваат англиски јазик, да имаат компјутерски познавања и да поседуваат тренерска Б-лиценца.
,
