По цели три години и 68 меча без пораз, екипата на Куманово загуби минатата недела од Ѓорче Петров дома, вчера ја загуби и титулата во ракометната Женска лига, така што за кумановки не е од некаква голема полза денешниот дуел со Деспина во Прилеп од последното коло. Титулата е загубена, таа е кај Ѓорче Петров, а второто место обезбедено. Што се однесува до Деспина, ако се бара мотив, тоа секако е борбата за задржување на 6. место, врз кое атакуваат Стружанка и Пелистер, чиј меѓусебен дуел ќе биде завршен кога ќе почне овој во Прилеп. Деспина има 8 бода, Стружанка и Пелистер по 7. Стружанка – Пелистер е од 16,30 часот, Деспина – Куманово од 18.
Табела: Ѓорче Петров 39, Куманово 36, Металург 33, Вардар 28, Чаир 21, Деспина 8, Стружанка и Пелистер по 7.
