ЧУДНА ЛИГА НА НАЦИИ: АНГЛИЈА ГУБИ КАКО ДА Е ЛИХТЕНШТАЈН!

Ако се бараат неверојатни резултати, ќе се најдат во оваа чудна Лига на нации од УЕФА. Во А-лигата, група 3 синоќа Англија – Унгарија 0:4! Можно ли е? Претходно Англичаните загубија и на гости од истиот противник, со 1:0. Пет гола прими, ниеден не даде актуелниот вицешампион на Европа, четвртата сила во светот, петторангираната на ФИФА. На табелата во споменатата група води Унгарија со 7 бода, пред Германија со 6, Италија со 5, а Англија е последна со 2.

И во А-лигата група 1 на дното од табелата е гигант – Франција. Актуелниот светски шампион освои само 2 бода од 4 меча. Последниот го загуби дома со 0:1 од Хрватска. На табелата сите се над Франција – Австрија со 4, Хрватска со 7 и Данска со 9 бода.

Продолжението е во септември.