Сигурно ниту на Управата, ниту на тренерите и фудбалерите на Победа не им е лесно со скромен буџет да истраат во остварување на целта, опстанокот во Првата лига на Македонија. Утре (недела, 13 ч.) е важен меч дома со Македонија ЃП, во 14. првенствено коло. Ако Победа победи, го надминува гостинот на табелата.
– За нас секој натпревар е на „живот и смрт“. Се уште ја бараме формата и структурата која ќе ни дава резултати во контуниутет. Сакам да дојдеме до тој момент кога отсекаде ќе се вели „ова е Победа и нема шега со неа“. Дури кога ќе дојде тоа, тогаш ќе биде завршена мојата работа овде. Дотогаш благодарам многу за поддршката и трпението на сите прилепчани – вели Бобан Бабунски, шефот на Стручниот штаб на Победа.
Натпреварот утре го води судиска тројка од Скопје, предводена од Александар Ставрев.
