Попладнево (14 ч.) на игралиштето со вештачка трева во Прилеп е интересен меч Деспина – Ас унитед, од 7. рунда на фудбалската Прва женска лига на Македонија. Прилепскиот тим е во нагорна линија, подобар од минатото првенство, со оглед на повеќе засилувања, меѓу кои и три од странство – голманката Иман Шљиво од Босна и Херцеговина, офанзивните Николина Батиниќ и Жељана Максимовиќ од Србија. Екипата Ас унитед од Струга е моќен противник, иако нема фудбалерки од странство. Есенва петпати победи и само еднаш загуби, од шампионот Љуботен во Тетово.
Судиската тројка е од Битола, предводена од Дени Лековски.
