Денешниот меч од 4. коло на Втората лига можеше да биде позитивен пресврт во однос на прилепска Победа. На повидок беше првиот есенски триумф, по брзото водство од 2:0, со головите на Андреј Петрески во 9. и на Давид Дебрешлиоски во 13. минута. Гостите од Охрид тргнаа на се или ништо, мораа да тргнат со сите сили во напад, така што во контранапади се отвораа можности за уште некој гол во полза на прилепскиот тим.

Се чинеше дека со 2:0 ќе заврши првиот дел, но по изведен корнер на Димитриј Димитриевски во 43. минута топката некого го зафати и заврши во домашната мрежа за 2:1. Така беше во следниот половина час од играта. Гостите при нападите беа со ризик да примат трет гол. Така во една контра голманот Дамјан Серафимов излезе надвор од шеснаесетникот и ја отстрани опасноста. Притоа имаше домашна реакција за игра со рака, но судијата дозволи играта да продолжи. Доколку беше досудена рака, ќе имаше исклучување, голема предност за Победа. Тоа не се случи и борбата продолжи. Важен момент е во 76. минута, кога Охрид израмни преку Антонио Каланоски. А во финишот, кога двата тима се бореа за трет гол, во една мешаница тоа му успеа на Охрид преку Иван Глигоров во 84. минута, па конечниот исход е Победа – Охрид 2:3.

ЗАПИСНИК ПОБЕДА – ОХРИД

РЕЗУЛТАТИ 4. КОЛО: Победа – Охрид 2:3, Шкендија А. – Големо Коњари 4:0, Осогово – Скопје 2:3, Кожуф – Преспа 7:1, Вардар Н. – Саса 1:8, Брегалница Ш. – Новаци 4:2. Утре: Тетекс – Слога 2:0 , Беласица – Детонит 1:0.

ЗАПИСНИК ШКЕНДИЈА А. – ГОЛЕМО КОЊАРИ

ТАБЕЛА

СЛЕДНО 5. КОЛО (20 септември во 15.30 часот): Скопје – Победа, Големо Коњари – Осогово, Новаци – Тетекс, Саса – Брегалница Ш., Преспа – Вардар Н., Охрид – Кожуф, Детонит – Шкендија А., Слога В. – Беласица.

МОЛБА ЗА ИТНА ПОМОШ!!!