Фудбалот во Соединетите Американси Држави почна да се развива во седумдесеттите години од 20 век со доведувањето на светските ѕвезди, како Пеле, Бекенбауер и со формирањето на Космос и други богати клубови. Постоеше еден клуб со име Њујорк иглс, каде настапуваа Португалецот Еузебио, Бразилецот Еду, Југословените Драгослав Шекуларац, Aнѓелко Тешан и Душан Несторовиќ. Во септември 1978 година гостуваа во Штип и Прилеп. Во Штип, родното место на Шекуларац, одиграа пред рекордни 12 илјади гледачи и против домашната Брегалница победија со 4:2. Но, наредниот ден, во некомплетен состав и неодморени поради средби со штипјаните до доцна во ноќта, големите ѕвезди тотално потфрлија во Прилеп пред 7000 гледачи. Победа победи со неверојатни 11:1. По водството на гостите со голот од слободен удар на Еузебио кој веднаш потоа излезе од игра, за прилепскиот тим голови се изнадаваа Пеце Трајкоски и Јове Магдески по три, по еден Ристо Глигороски, Гоце Манески, Лазе Петрески, Златко Конески и Ѓоко Николовски.
Шекуларац во Прилеп одигра еден од последните мечеви во кариерата.
