Голем, вреден бод зеде Победа од денешното гостување кај шампионот Шкупи. Во игра каде домашниот диктираше, создаваше шанси, поведе со 1:0, вистинско чудо е што прилепскиот тим успеа да израмни на 1:1. Велиме „чудо“ поради тоа што шампионот очекуваше не само сигурна туку и убедлива победа и кон таа цел го даде максимумот. Гостинот не мислеше така, не мислеше да се предаде предвреме. Дури и имаше можност да поведе пред самиот крај. Една храбра, пожртвувана игра даде плод. Ова е лекција за сите, лекција за тоа како тим што е потценет со голема верба во себеси може да стигне до својата цел. Бодот е значаен за подигнување на самодовербата во пресрет на следното гостување, кај Скопје.
За Шкупи стрелец беше Реналдо во 81.минута, а за Победа новиот Иван Галевски во 84. Сите петмина најнови се појавија во тимот на Победа денеска.
