Денеска (16 часот) на игралиштето со вештачка трева во Прилеп е голема битка за опстанок. Се среќаваат Цевитана (Прилеп) – Речица (Куманово), во 25. коло од Првата женска фудбалска лига на Македонија. Иако има уште три кола до крајот, овој меч е најважен. Прилепскиот тим мора да победи за да го избегне последното место, кое води во понизок, второлигашки ранг. Целта е барем претпоследното место на табелата за бараж-меч, а секако во најдобар случај можен е и директен опстанок. Ова е трет дуел на овие два тима. На претходните два – дома Цевитана победи со 6:1, Речица дома победи со 3:1, така што при ист број бодови во предност е Цевитана. На табелата Речица има три бода повеќе од Цевитана.
ДВОЈКИ 25. КОЛО: Цевитана – Речица, Шкендија – Топ гол, Скопје – Саса, Истатов – Тиверија, Ас јунајтед – Љуботен.
ТАБЕЛА: Љуботен 63, Саса 62, Ас јунајтед 48, Тиверија 42, Скопје 41, Шкендија 22, Истатов 21, Топ гол 18, Речица 16, Цевитана 13.
