Сигурно не е неочекувано, бидејќи се случува веднаш по поразот со 8:1 од Скопје на „Железарница“ – оставка во Фудбалскиот клуб Победа! Ја поднесе шефот на Стручниот штаб Стојанче Дунимаглоски. Сега се очекува реакција од водечките клупски луѓе, веројатно и веднаш назначување на нов тренер, наследник негов.

Што се однесува до Дунимаглоски, добро е да се знае дека е млад стручњак (33 години), претходно долг период стандарден играч во Победа и други клубови. Минатата сезона со најмладиот играчки кадар во државата успеа да избори директен опстанок во второлигашкото друштво. Есенва има многу измени и во играчкиот кадар и во условите за работа, така што овие слаби резултати можат да се сметаат и како очекувани, неизбежни. Сепак, од принципиелни причини Дунимаглоски повлече исправен потег, си поднесе оставка, а иднината ќе покаже кога ќе се случи да биде пак на таа позиција, да продолжи таму каде што застана.

Стојанче Дунимаглоски беше прв стручњак во Победа од октомври 2024 се до денеска.

МОЛБА ЗА ПОМОШ!!!