Според објавата на УЕФА, младинскиот тим на прилепска Победа, македонскиот шампион, своето деби во фудбалската Младинска лига на УЕФА на гости со Колерајн во Северна Ирска, ќе го има на 21 септември наместо на 14 септември. Поместувањето е, веројатно, откако е согледана сложеноста околу обезбедувањето документи за патувањето и затоа е овозможено повеќе време. Една недела повеќе е неопходна и за да се одберат најдобрите релациии за авионските летови до Северна Ирска. Мечот на 21 септември е закажан со почеток во 20,30 часот на стадионот во Колерајн, што значи ќе биде под рефлектори.
Реваншот останува за 5 октомври во 14 часот, на Тренинг-центарот „Петар Милошевски“ во Скопје.
