Вчера во салата на СОУ „Ристе Ристески – Ричко“ во Прилеп, во организација на клубот Сеишин по 12. пат се одржа Меѓународниот џудо-турнир „Прилеп град-херој Цевитана куп“, Учествуваа 385 џудисти од 43 клуба од 7 држави – Македонија, Грција, Црна Гора, Србија, Бугарија, Албанија и Косово.
Настанот предизвика интерес кај многубројните учесници кои ја преполнија салата на татамите и трибината, каде свои места зазедоа и љубителите на џудото. Борбите се одвиваа на 4 џудо-борилишта, а правдата ја делеа и џудо-судии од Македонија и од странство.
Согласно сумираните резултати од натпреварувачката комисија за најуспешни клубови по возрасни категории и добитници на пехари се:
Помлади пионери-ки: Преспа (Ресен, Македонија)
Помлади пионери: Бор (Србија)
Пионери: Црногорац (Цетиње, Ц.Гора)
Пионерки: Сакура (Катерини, Грција)
Кадети: Велико Градиште (Србија)
Кадетки: Сакура (Катерини, Грција).
Според бројот на освоени медали, севкупен победник на овој турнир е Џудо-клубот „Сакура Катерини“ од Грција. На турнирот присуствуваше, а и официјално го отвори, д-р Борче Јовчески, градоначалникот на Општина Прилеп.
