Екипата на Прилеп одигра нерешено, 3:3 со Гостивар, во последното, 7. коло од Државното екипно првенство во шах, во Струга. Тоа е сосема доволно да се постигне целта, освојувањето на второто место, веднаш под шампионот Алкалоид. На денешниот дуел, за Прилеп цел поен освои ИМ Тони Кироски, а по половина поен ВМ Мирослав Миљковиќ, ИМ Дејан Стојановски, ФМ Славе Трајкоски и Кире Николоски. Недостигаа ВМ Бобан Богосављевиќ и ВМ Никола Седлак,. Вкупниот биланс на Прилеп е: 5 победи (Стево Патако 5:1, Анпасан 5:1, Куманово 3,5:2,5, Гамбит 3,5:2,5, Фишер 3,5:2,5), 1 реми (Гостивар 3:3) и 1 пораз (Алкалоид 2 :4).
Табела: Алкалоид (Скопје) 14, Прилеп 11, Гамбит (Скопје) 10, Куманово и Гостивар по 6, Анпасан (Шипковица) 5, Фишер (Куманово) и Стево Патако (Битола) по 2.
