Попладнево и вечерва се два спортски настана во иста сала, од ООУ „Добре Јованоски“ во Прилеп. Од 17 часот има ракомет, од 19 часот кошарка.
Прво, од 17 часот е ракометниот дуел од 1. коло на машката Младинска лига на Македонија А-група, помеѓу домашниот Филип и Бутел од Скопје. Судии се Даниело Божиновски од Битола, Ангел Мирчевски од Прилеп, делегат Јане Локвенец од Прилеп. Во рамките на ова коло, екипата Прилеп утре му гостува на Пролет во Скопје.
Потоа, од 19 часот е кошаркарскиот меч од 2. коло на машката Трета лига на Македонија Б-група помеѓу домашниот Мега баскет и Дибра иглс од Дебар. Судии се Марио Маџоски и Димитар Биноски, делегат Петар Деспотоски. Претходно, во 1. коло, Дибра иглс дома со 69:66 ја совлада Спарта од Скопје, а Мега баскет со 81:67 победи во Гостивар.
