За прилепчаните два дена предвреме заврши есенскиот дел од првенството во кошаркарската Трета лига Б-група. Денеска во последното 9. коло Мега баскет со 100:58 го совлада тетовски Љуботен. Во салата од ОУ „Добре Јованоски“ во Прилеп сите четвртини им припаднаа на домаќинот, со 32:13, 21:14, 31:20 и 16:11. Ова беше осма победа на осмиот натпревар, така што Мега баскет е лидер на табелата со максимални 16 бода.
МЕГА БАСКЕТ: Митрески, Стевананџија 2, Јовчески, Здравевски 3, Чакрески 13, Крстески 18, Јаневски 27, Стојчески 6, Настески 16, Домлевски 7, Дејан Трајкоски, Кузманоски 8. Тренер: Стефан Стевананџија.
ЉУБОТЕН: Богдановски 4, П. Ристоски 16, М. Симјаноски 11, А. Симјаноски, Билбиловски 2, Аврамовски, Петровиќ 2, Николоски 7, А. Ристоски 16, Штакле. Тренер. Драган Сарѓоски.
